Səndən ötrü mən dəli-divanəyəm,
Bir yanan şəm olmusan pərvanəyəm.
Məcnunam Leyladan ötrü ağlaram,
Kim deyir ki, mən yoxam əfsanəyəm.
Eşq meydir qəlb onun bir xanəsi,
Qəlb deyir ki, onda mən meyxanəyəm.
Eğyara aldanmışam qurtar məni,
Gəl məni abad elə viranəyəm.
Eşq meydir kim içərsə məst olar,
Mey içib məst olmuşam, məstanəyəm.
Mən Həbibi Müntəzirəm Ey Gülüm,
Gözlərəm daim səni qəmxanəyəm.
27 Dekabr 2001, Ukrayna
