Pərvanəyə həsrət qalacaq şəm haçaneycan?
Bül-bül də güldən ötrü çəkər qəm haçaneycan?
Eşqin şərabı Məcnunu divanə qoyubdur,
Leyladan ötrü çöldə gəzər dəm haçaneycan?
Ey dil, Şirini Fərhada yar etmədi xain,
Dağları çapar daima möhkəm haçaneycan?
Biçarə gəzib seyr edirəm dövrü-cahanı,
Qəm-dərdə tapılmır yenə məlhəm haçaneycan?
Əğyarın intiqamı qalıb sirli zamana,
Aşiq edəcək naləyi-matəm haçaneycan?
Su damcıları dəydi daşa daş yumuşaldı,
Qəlbim yumuşalmır tökürəm nəm haçaneycan?
Ey sevgili yar gəl ki, Həbib ağ günə çıxsın,
Həsrət qalacağdır sənə aləm haçaneycan?
04 May 2003, Berlin.
