Aşiqəm bu dünyada sən kimi cananə gözəl,
Səni gördükdə gözüm düşübdü heyranə gözəl.
Sənin o gözəlliyin hər baxanı məst eləyir,
Məni sən eyləmisən aşiqi məstanə gözəl.
Necə ki, Məcnunu divanə edib Leyli xanım,
Sənin eşqin də məni edibdi divanə gözəl,
Səni mən sevdiyim kimi məni də sevsən əgər,
Car çəkib sevgimizi yayacağam hər yanə gözəl.
Canımı cananə verdim, oldum eşqin xəstəsi,
Təkcə sən çarə edərsən bu xəstə canə gözəl.
Həbibi sevsən əgər xanəsi abad olacaq,
Cəhd edib etməginən sən məni viranə gözəl!
25 Oktyabr 2003, Berlin
