Kim deyirsə çətindi, söylə ki, rahətdi dilim,
Dilimi sevməyənlər üçün əziyyətdi dilim.
Ana laylası məni meyl elətdirib dilimə,
İlk sözüm də ”Ana”dır gör necə şəfqətdi dilim.
Atalar sözləri tarixdi, qədimnən yazılıb,
Oxuyan görər nəsihətlidir, ibrətdi dilim.
Vətəni Fars-Ərəb istilası tutduğu üçün,
Həm fars, həm ərəb sözlərindən ibarətdi dilim.
Bu gözəl dillə dua eyləyirəm Allaha mən,
Onu zikr eyləmək üçün bir ibadətdi dilim.
Çalışaq əcnəbi dildən qoruyaq biz bu dili,
Bizə Atalardan qalıbdır əmanətdi dilim.
Çox şair eşqi Ana dildə tərənnüm eləyib,
Həmi sevdadır, həmi eşqi, məhəbbətdi dilim.
Həbib qəzəllərini doğma Ana dildə yazar,
Fikri çatdırmaq üçün ən gözəl alətdi dilim.
05 May 2004, Berlin.
