Kaşın tâk-ı der-i bâğ-ı cinândır
Hatın ser-levhada Ahmet yazandır
Rakîb sordu senin nendir ki cânân
Dedim ömr içre ömr cân içre cândır
Cudîdir bağrı hırâmânı Dicle
Firâkına figânım nüh tufândır
İşi fitne gücü gam tavrı nazsa
Nola yâr mâlik-i âhir zamândır
Gönül gülzâr-didârda çâha düştü
Bana dipsiz kuyu mülk-i Kenândır
Kemend-i zülf ü tîr-i gamzen ile
Ölüm leyl-i kadir hâb-ı barândır
Yüzünde penbe-i haddinle zülfün
Gönül kuşuna em u âşiyândır
Kerem Ferhâd Mecnûn ceyş-i aşktır
Hüzün ser-i sipâh-ı âşıkândır
