Allaha baş əyməyib dərgahımızdan küsmüşük.
Çünki fasiq bəndəyik Allahımızdan küsmüşük.
O İlahi dərd veribdirsə, veribdir dərmanın,
En böyuk cərrah odur, Cərrahımızdan küsmüşük.
Ol Quran hər dəm bizə agah edir Haqq hardadır,
Haqqı danmaq bir yana, agahımızdan küsmüşük.
Niyə bizlər özmüzü günahdan ikrah etmirik?
Nəfsə qul olmuşlarıq, ikrahımızdan küsmüşük.
Ecnəbi musiqisin həzz alaraq dinləmişik,
Biz muğama kəm baxıb, segahımızdan küsmüşük.
Hər təamı sən nə cürnə nuş edirsən Ey Vəkil?
Biz yeməkdən məhrumuq, iştahımızdan küsmüşük.
Gər ki, biz yaltağlığı, məddahlığı sevən xalqıq,
Gün o gün olsun gorək məddahımızdan küsmüşük.
Biz bica yerə küsəyən xalq deyiliksə əgər,
Bəs niyə şair Həbibullahımızdan küsmüşük?
21 Noyabr 2003, İsveç.
